Upang masuportahan ang kakulangan ng kita ng mga sambahayan dulot ng pandemya sa Barangay Cambucao, Tabontabon,Leyte, napili ng komunidad na nursery communal gardening ang maging proyekto sa ilalim ng DSWD KALAHI-CIDSS Additional Financing.
Ang nasabing communal gardening ay pormal nang nai-turn over sa barangay Cambucao noong May 20 taong kasalukuyan.
Banggit ng mga benepisyaryo ng proyekto na nakatulong sa pang araw araw nilang pangangailangan ang kita na nakuha mula sa pagtatrabaho sa communal gardening sa pamamagitan ng cash-for-work basis.
Dagdag nito, tinitiyak din ng pamayanan na kanilang pangangalagaan ang communal gardening upang maipagpatuloy ang benepisyo ng proyekto sa kanila sa mga paparating pang panahon.
