Patuloy ang benepisyong hatid ng Project LAWA at BINHI ng Department of Social Welfare and Development (DSWD) Field Office 8- Eastern Visayas sa Nahaong Vegetable Growers Association (NAVGA) ng Barangay Nahaong, Libagon, Southern Leyte.
Mula nang masimulan ang proyekto, malaki ang naging epekto nito sa grupo, hindi lamang bilang mapagkukunan ng pagkain kundi pati na rin bilang pandagdag-kita. Nakapag-ani na ang 15 partner-beneficiaries ng iba’t ibang gulay tulad ng halamang sili, pechay, sitaw at iba pa, mula sa kanilang 20,000 square meters na gulayan.
Sa pamamagitan ng Project LAWA at BINHI, natutulungan ang mga mamamayan na magkaroon ng mas sustainable na pamumuhay at mas maliwanag na kinabukasan.
