Pinangunahan ni Regional Director Grace Subong ang produksiyon at repacking ng Family Food Packs ngayong araw, Setyembre 7, sa Regional Resource Operations Center ng DSWD.
Kaugnay nito, nasa 36,851 family food packs at 468 non-food items na ang kabuoang naipamahagi ng ahensiya sa iba’t ibang munisipalidad ng Northern Samar, Eastern Samar, Samar, at Biliran, ang apat na probinsiyang naiulat na malubhang naapektuhan ng Tropical Storm “Enteng”.
