Namahagi ang Department of Social Welfare and Development Field Office VIII ng 1,230 family food packs sa mga pamilyang apektado ng shear line sa Arteche, Eastern Samar.
Katuwang ang Municipal Disaster Risk Reduction Management Office (MDRRMO) at Municipal Social Welfare Development Office (MSWDO) ng local na pamahalaan, pinangunahan ng mga Angels in Red Vests ang pagpaabot ng tulong sa mga apektado.
Patuloy naman ang pakikipag-ugnayan ng ahensya sa iba pang lokal na pamahalaan upang masiguro ang agarang tulong sa mga lubos na nangangailangan.
