Ang magkakapatid na sina Marina Ecija, 42 taong gulang, Sylvia Ecija, 40 taong gulang at Luz Bulfa, 46 taong gulang ay hindi lang ipinapakita sa loob ng tahanan ang pagmamahal at pagkakaisa kundi pati rin sa kanilang pamayanan. Ang isa’t isa ang kanilang karamay kung mayroong mga suliraning hinaharap, kung kaya’t kaagapay din nila ang isa’t isa sa pagsusumikap na mapabuti ang kanilang barangay.
Ang Brgy. Bobon, Mercedes Eastern Samar ay isang 5th class na munisipyo na kailangan ng tulong ng iba’t ibang ahenisya ng gobyerno.
Ang tatlong magkakapatid ay parehong mga boluntir ng Kalahi CIDSS sa nasabing munisipyo at ipinapakita nila na ang pagkakaisa ay may mabubuting naiidulot sa tahanan at pamayanan.
Pagkakaisa ang susi
“Maganda ang proseso ng Kalahi CIDSS na nagtutulungan ang mga tao sa pagbibigay ng solusyon sa mga problema. Hindi lang inaasa sa iisang tao ang pagpaplano at pagdedesisyon.”, banggit pa ni Marina Ecija.
Isang hamon sa kanila ay ang pagpili kung ano ang uunahin sa mga natukoy na problema.
Ganito rin nila nalulutas ang problema sa tahanan sa pamamagitan ng palagiang pag-uusap nilang magkakapatid kung may mga suliranin man sila para ay mas alam nila kung sa anogn paraan nila matutulungan ang isa’t isa.
‘Mas naiindihan namin ang isa’t isa kung kami ay nag-uusap.”, sabi ni Marina Ecija.
Parehong pagsasaka at pangingisda ang ikinabubuhay ng magkakapatid. Aminado sila na hindi sapat ang nakukuha nila mula rito lalo na at mga pinapaaral silang mga anak.
Nang dumaan ang bagyong Ursula isang malaking suliranin na kanilang hinarap ang pagkasira ng kanilang mallit na sasakyang pandagat at lambat. Ito ay may epekto sa kanilang pang araw araw na kita.
Sila mismong magkakapatid ang nagtulungan upang makagawa ng paraan upang makakuha ng kita sa pangingisda at makapagbenta. Sila ay nagtutulungan na makahiram ng maliit na sasakyang pandagat upang tuloy pa rin ang nakukuha nilang kita.
Gumagaan ang kanilang problema dahil tinutulungan nila ang mas nangangailangan sa kanilang magkakapatid.
Inihalintulad nila ang kanilang pagtutulungan sa layunin ng Kalahi CIDSS na programa na mas pinalakas ang pagkakaisa ng mga tao patungo sa pagbabago.
Ngayong taon, nagkaisa ang mg tao sa pamayanan ng Bobon na pagpapaayos ng kalsada ang kanilang napiling mga proyekto. Mahirap daanan ng mga tao ay sasakyan ang lubak lubak na kalsada. Sa pagpapaayos ng kalsa makakatulong din ito upang mas mababa na ang pamasahe, mapapadali ang transportasyon ng mga produkto halimbawa ng saging, kamote, niyog at iba pa. Mas maginhawa na rin ang transportasyon sa mga tao roon lalo na sa mga estudyante at matatanda.
Iniisip pa lang ng magkakapatid ang mga sinasakang produkto ng magkakapatid. Mas mapapadali ang transportasyon ng isinasaka nilang produkto at hindi na mahihirap ang kanilang mga anak sa pagpasok sa eskwela lalo na kung tag-ulan.
“Kaya’t kahit anong problema pa yan sa tahanan man o pamayanan mas magaan kung nagtutulungan at nagsasama sama. Ito ang ipinapakita sa amin ngayon ng Kalahi CIDSS.” sabi ni Slyvia.
Buong suporta sa programa ng DSWD
Ang Department of Social Welfare and Development ay naglalayun na maiangat ang mga pamayanan mula sa kahirapan sa pamamagitan ng iba’t ibang serbisyo at programa nito.
Isa ang Kalahi CIDSS sa mga programa ng DSWD na ang puhunan ay ang boses at abilidad ng mga ordinaryong tao para matulungan nila ang kanilang pamilya at pamayanan mula sa kahirapan.
“Positibong pagbabago ang ibinibigay ng DSWD sa amin kung kaya’t ibinabalik lang aming magkakapatid ito sa DSWD sa pamamagitan ng pagiging volunteer sa Kalahi CIDSS.” Ani ni Marina Ecija
“Wala kaming ibang ninanais kundi ang makatulong rin sa aming barangay, aming pinapakita ang maing pagmamahal sa pamayanan bilang isang boluntir.” Sabi ni Sylvia
Dagdag pa ni Luz Ecija, “ Ako’y isang Pantawid Pamilya beneficiary at sumusuporta sa mga programa ng DSWD dahil lahat ng kanilang programa ay may hangaring matulungan ang mga tao.”
Patuloy pa rin ang serbisyo ng DSWD sa mga pamayanan na higit na mas nangangailangan. Layun nito na maging kaagapay ang mga tao sa pagbabago sa pamamagitan ng pagkakaisa o pagtutulungan.
Ika nga sa isang awitin, ““Walang sinuman ang nabubuhay para sa sarili lamang.”
#DSWDMayMalasakit
#DSWDKalingaAtPagmamahal
#ThisIs8!