Huling namataan ang bagyong Bising 960 na kilometro sa silangan ng Surigao City. Ayon sa PAGASA, naging typhoon na ang Bising, at inaasahang lalakas ito sa susunod na tatlong araw. Maaring mapasailalim ang Northern at Eastern Samar sa signal number 1 ngayong gabi.

Bilang paghahanda sa posibleng pananalasa ng bagyong ito, may nakaimbak na 14,994 na Family Food Packs (FFPs) ang DSWD Eastern Visayas. Sa bilang na ito, 11,694 na FFPs ang nasa Regional Resource Operations Section na warehouse sa Palo, Leyte, habang may 100 sa Biliran at 200 sa Southern Leyte. May nakapreposition ding FFPs sa dalawang probinsya na pinakamadalas maapektuhan ng bagyo – 1,400 sa Eastern Samar at 1,600 sa Northern Samar.

Pinapaalala naman ng ahensya na ang unang rumeresponde sa mga sakuna ay ang lokal na pamahalaan. Maaring magpadala ang DSWD nitong mga relief goods kapang magrequest ang munisipyo.

#DSWDMayMalasakit
#OneDSWD
#FO8isGr8

Maaring mabasa ang pinakahuling update sa bagyong ito dito: http://bagong.pagasa.dost.gov.ph/